Hoy es: Sábado, 28 de Enero de 2023






U KANANIL U YÚUCHUL KAANBAL

U meyaj aj ka’ansaje u jach táakpajal ti’al ka xi’ik u ma’alob kanik xoknáal ba’axo’ob ku ka’ansik ti’, ba’ale te k’iino’oba ku beetik u láak’ meyajo’ob. Ti’ u ka’ansa’al u Sipitil K’ajlaye juntúul aj ka’ansaje ku kanáantik u bin u kaanbal lajun xoknáalo’ob, aj ka’ansaj a’alik ti’ xoknáalo’ob ba’axo’ob úunchak u xokiko’ob, ku ts’a’abal u yéeyo’ob, yetel yan xan ba’axo’ob ku yéeyiko’ob xan chéen leti’ob; xoknáalo’obe je’el u páajtal u tsikbaltiko’ob ti’ aj kanan kaanbal junp’éel ba’al ucha’an yetel ba’axten taak u xak’altiko’ob ti’al ka u beetiko’ob junp’éel meyaj tu’ux ku ts’iko’ob ojéeltbil ba’ax ku tukultiko’ob tu yo’olal junp’éel ba’al ucha’an ti’al u k’amikuba’ob tipitil; aj ka’ansaje ku ts’aik xan u yojéelt xoknáalo’ob je’el u páajtal u kaanbalo’ob tu láak’ universidada’ob wa u k’áat u xoko’ob junp’éel wak winal tu láak’ tu’ux; ku ts’aik u yojéelt xoknáalo’ob ba’ax pik’il ju’uno’ob k’abéet u xokiko’ob ti’al ka p’áatak jach sáasilil u k’ajóolalo’ob yetel u tuukulo’ob, ti’al ka xi’ik ma’alobil ti’ u meyajo’ob yetel u táakpajalo’ob ti’ meyajo’ob yéetel molayo’ob.

  Escribenos y dinos tus comentarios Actualizado en enero de 2023

Fac. de Ciencias Antropológicas. Km. 1 Carretera Mérida-Tizimín, Cholul. CP 97305. Tels: +52 (999) 930-0090. Mérida, Yucatán, México.

© Todos los Derechos Reservados Facultad de Ciencias Antropológicas, UADY 2018. Esta página puede ser reproducida con fines no lucrativos, siempre y cuando no se mutile, se cite la fuente completa y su dirección electrónica, de otra forma requiere permiso previo por escrito de la institución.