BA’AXO’OB K’ABÉET U BEETIK MÁAK TI’AL U K’AMIKUBA SIPITIL K’AJLAY

Chéen p’el u ts’o’okol u kaanbal aj xook, je’el bix tukulta’anil ken talak u béeytale, yan ka’p’éel ja’ab ti’al u beetik junp’éel meyaj tu’ux ku ts’aik ojéeltbil ba’ax ku tukultik yo’olal junp’éel ba’al ucha’an, yetel u ye’esik ti’al ka u k’amuba sipitil k’ajlay. Ti’al ka u k’amikubae k’abéet u beetik junp’éel ts’íib tu’ux ku ts’aik ojéeltbil ba’ax ku tukultik tu yo’olal junp’éel ba’al ucha’an wa monografía, je’el bix tukulta’anil ken talak u ts’o’okol u kaanbal.

MONOGRAFÍA

Le ts’íiba chéen juntúul aj xook úunchak u beetik yetel u ts’aik k’ajóoltbil. Bix úunchak u béeytal le meyaja’:
• U yak’alta’al pik’il ju’uno’ob ku t’aan tu yo’olal ba’axo’ob ucha’an, jach táaj yan ba’al yilo’ob yéetel u taal kuxtal kaajo’ob, taak u k’ajóolta’al ti’al u béeytal le meyajo’, bey xan u chukáan k’ajlay pik’il ju’uno’ob ku t’aan tu yo’olal le ba’ax ku xak’alta’alo’.

•Junp’éel kóon ts’íib tu ba’paach u k’ajlayil le k’iino’ob úuch le ba’ax ku ts’a’abal ojéeltbilo’.

•U yéeya’al ts’íibo’ob yan tu kúuchilo’ob pik’il ju’uno’ob yetel tu kúuchilo’ob perodiko’ob ku t’aano’ob tu yo’olal ba’ax ku xak’alta’al.

•Junp’éel jaats ts’íib ku ts’aik ojéeltbil xak’al tuukulo’ob tu ba’paach le k’ajóolalo’ob xak’alta’ab

Meyaj ku beetik mák ti’al u k’amikuba aj ts’íibil k’ajlay

Le meyaj ti’al u k’amikuba máak aj ts’íib k’ajlayo, je’el u páajtal u beetik juntúul wa ka’túul aj xook u ts’a’ob k’ajóoltbile’. Chéen ti’ aj xooko’ob yan ti’ob 85 punto’ob ku cha’abal u beetiko’ob junp’éel meyaj ti’al u k’amiko’ob u ju’unil a’alik aj ts’íibo’ob k’ajlay. Le meyaj ti’al u k’amik u aj ts’íibil k’ajkay máako, ku chu’unpajal ti’ le ka’ansaj meyajil xak’al IV ti’ u kúuchilo’ob pik’il ju’uno’ob yetel tu kúuchil periodiko’ob. Le meyaja’ ku ye’esik u yojel u beet aj xook junp’éel kóon ts’íib yéetel le pik’il ju’unil k’ajlay yetel u láak’ ju’uno’ob tu xokaj, u tsa’ik ojéeltbil tu beelil ba’ax ku ya’ala’al, yetel u xak’al tukultik leti’ ba’ax u k’áat ya’al le ju’uno’ob tu xokajo’.

Le tsíib ti’al u k’amikuba máak séeb chi’ilo, k’abéet u yantal ti’:
• Junp’éel yáax tsikbal tu’ux ken u ts’aik ojéeltbil le aj xook ba’ax ku tukutiko’ob tu yo’olal le u pik’il ju’unilo’ob k’ajlay tu xokajo’ob, ti’al u xak’altiko’ob le ba’ax u k’áat u yojéelto’, u tsolik tu beelil ba’ax jach u k’áat u ya’alej, bix tu yáax tukultil wa béeychaji, yetel ba’ax ku xak’altik yetel bix taalik u meyajtik.

•U ts’íibtik yéetel u jaatsalo’ob ma’ u sa’atal le bej k’abéet u bisik ti’al u ye’esik tu beelil ba’ax ku ts’aik ojéeltbil, táan u ketláan u tuukul máax ts’íibt yetel le k’ajlay k’ajóolalo’ob tu xak’altaj, bey u ketláan tuukul yetel u láak’ máako’ob u ts’íibmajo’ob u pik’ik’il ju’unilo’ob k’ajlay. Jach ma’alob ka u ts’íibt u yáax jaats le ts’íib táan u xak’altuukulil tu yo’olal u ba’paach le k’ajlayo’ yetel jach ba’ax táan u kaxáantik u ye’esik yéetel le ts’íibo’.

•Junp’éel ts’íib tu’ux ku tsolik tu beelil ba’axo’ob tu kaxáantaj yetel tak tu’ux k’uch le xak’al meyaj tu xokil p’ik’il ju’uno’ob yetel u láak’ ju’uno’ob tsíibta’an.

•Junp’éel u jach ma’alob tsoolil ch’a’ chi’ob yetel pik’il ju’uno’ob yetel ju’uno’ob tsíibta’an ku ts’a’abal ojéeltbil ti’ le tsíibo’.