Hoy es: Sábado, 28 de Enero de 2023






Ba’axo’ob ku kaxáanta’al ka béeychajak

Ba’ax ku wóol kaxáanta’al ka béeychajak

  • U ma’alob kanbal séeb chi’1 máako’ob yan ti’ob u manel tuukulil2 u tsoliko’ob ba’ax utsil yetel ba’ax k’aasil ku ts’aik ojéeltbil k’ajlay, le ken u xak’alto’ob p’ik’il ju’uno’ob yetel úuchben ts’íibo’ob ti’ je’el ba’axak jaats k’iino’ob, ka táakpajak ti’al u béeytal u jelpajajal3 u kuxtal junp’éel molay ti’al ka xi’ik ma’alobil ti’. U k’ajóolta’al bix taalik u yúuchul kuxtal tu paachil k’iino’obe, ku beetik u táakpajal aj ts’íib ti’ u núukbesaj4 ba’axten bey u yúuchul kuxtal te k’iino’oba’.

Ba’axo’ob u jach jaajil ku xáanta’al ka béeychajak

  • U ma’alob ka’ansa’al séeb chi’ máako’ob bat’an5 u yéeyo’ob analte’ob u xoko’ob bey xan u tsoliko’ob6 tu beelil le ch’ich’ bej7 ku taasiko’ob, tu yo’olal ba’alo’ob ucha’an ti’ je’el ba’axak jaats k’iino’ob ti’ junp’éel kúuchil wa molay.
  • U ma’alob ka’ansa’al séeb chi’ob jach yan u páajtalil ti’ob u ts’aiko’ob xook, ti’ aj kaanbalo’ob chan ka’anchaja’an u xooko’ob.
  • U ma’alob ka’ansa’al séeb chi’ máako’ob ti’al ka táakpajako’ob ti’al u kananta’al8 yetel u yalta’al 9 k’am ba’albail10 k’ajlay yetel miatsil.
  • U ma’alob ka’ansa’al séeb chi’ máako’ob ti’al ka anak ti’ob u páajtalil u xak’altik tu tuukulo’ob bix je’el u béeytal u ts’a’abal u yojéelt máak bix úunchak u tokikuba ma’ pe’ech’el tumen u yéet máakil, u kan u yéey máak máax u k’áat ka k’uchuk ti’ junp’éel kúuchil ti’ jalachil, u kéet tsikikuba xiib yéetel ko’olel yetel ti’al ka anak junp’éel jets’a’an kuxtal ichil u baatsilba máak. U jaajile u ka’ansa’al séeb chi’ máako’ob ti’al ka anak ti’ob u páajtalil u meyajo’ob ti’al ka u yanto’ob junp’éel molay u kaxáant u ma’alobtal u kuxtal.


1Séeb chi’ máak (profesionista).
2Manel tuukul (pensamiento).
3Jel (transformar).
4Núukbesaj (comprender).
5Bat’an (capaz).
6Tsol (método).
7Ch’ich’ bej (información).
8Kanan (preservar).
9Yal (difudir).
10Ba’albail (patrimonio).

  Escribenos y dinos tus comentarios Actualizado en enero de 2023

Fac. de Ciencias Antropológicas. Km. 1 Carretera Mérida-Tizimín, Cholul. CP 97305. Tels: +52 (999) 930-0090. Mérida, Yucatán, México.

© Todos los Derechos Reservados Facultad de Ciencias Antropológicas, UADY 2018. Esta página puede ser reproducida con fines no lucrativos, siempre y cuando no se mutile, se cite la fuente completa y su dirección electrónica, de otra forma requiere permiso previo por escrito de la institución.