Hoy es: Sábado, 28 de Enero de 2023






KÚUCHILO’OB TU’UX KU JACH YÚUCHUL KAANBAL

U kaanbalil u sipitil k’ajlaye k’ajóolal yetel meyaj béeykuntik, le beetik yan u xíinbaltik xoknáalo’ob u kúuchilo’ob pik’il ju’uno’ob yan tu noj kaajil Ichka’ansijo’, u xak’altiko’ob ichil ya’ab winalo’ob k’ajóolalo’ob yan te kúuchilo’ob ti’al u k’ubo’ob ti’ u kaanbalil xak’al ti’al u beetiko’ob junp’éel meyaj tu’ux ku ts’aiko’ob ojéeltbil ba’ax ku tukultik tu yo’olal junp’éel ba’al ucha’an,; ti’al u páajtal u xak’altiko’ob le k’ajóolalo’ob tu yo’olal le ba’ax u k’áat u meyajto’obo’, je’el u páajtal u xíinbaltiko’ob u kaajilo’ob Yucataan, u láak’ u kaajilo’ob Meexico wa u láak’ táanxel lu’umilo’ob u xak’alto’ob pik’il ju’uno’ob; ti’ u láak’ ba’axo’ob k’abéet u kaniko’obe je’el u páajtl u xíinbaltiko’ob kúuchilo’ob tu’ux pa’ak’ kij, úuchben najo’ob, kaajo’ob, yetel u láak’ kúuchilo’ob. Ichil le kúuchilo’ob tu’ux ku kaláanta’al úuchben tsíiba’an ju’uno’obe ti’ yano’ob: Archivo General ti’ u Estadoil Yucataan (AGEY), Archivo Nacional tu Noj Kaajil Meexico (AGN), Archivoil Indias, Sevilla, España (AGI), yetel Bibliotecai u Congresoil Estados Unidos (Library of Congress). U Kúuchil Pik’il Ju’uno’ob Alejandríae, junp’éel kúuchil tu’ux jach yan k’ajóolalo’ob xak’albil (BIBALEX).

 

Wak winalo’ob ti’ bix ken xi’ik u yúuchul u kaanbal xoknáal ken meyajnak chéen yéetel ts’íiba’an ju’uno’ob yano’ob tu kúuchil u pik’il ju’unilo’ob k’ajlay. Le k’iino’ob táan u kaanbal ti’al sipitilo’, yan u k’ubik ts’íibo’ob ti’al u ts’aik ojéeltbil ba’ax tu xak’altaj.

  Escribenos y dinos tus comentarios Actualizado en enero de 2023

Fac. de Ciencias Antropológicas. Km. 1 Carretera Mérida-Tizimín, Cholul. CP 97305. Tels: +52 (999) 930-0090. Mérida, Yucatán, México.

© Todos los Derechos Reservados Facultad de Ciencias Antropológicas, UADY 2018. Esta página puede ser reproducida con fines no lucrativos, siempre y cuando no se mutile, se cite la fuente completa y su dirección electrónica, de otra forma requiere permiso previo por escrito de la institución.