Hoy es: Sábado, 28 de Enero de 2023






U láak’ kaanbalo’ob ku táakpajal

Ba’alo’ob ku keet yetel ma’ táan u keet yéetel kaanbalo’ob ku táakpajal

  • K’ajlay, Antropología Social yetel Arqueologíae ku kaxáantiko’ob u kaanbalil tuláakal ba’alo’ob u beetmaj wa ku taal u k’exik1 bix u beetik wíinik ichil u miatsil. Antropología Sociale ku kaxáantik u kaanbalil miatsilo’ob kuxa’ano’ob, k’ajlay yetel Arqueologíae u kaanbalil úuchben miatsilo’ob; u jach jaajile k’ajlaye ku kaxáantik u kaanbalil miatsilo’ob u ts’íibmaj ba’alo’ob tu beetajo’ob, Arquelogíae ku kaáantik u kaanbalil miatsilo’ob tu p’ataj to’on u meyajo’ob: kili’ich kúuchilo’ob, yetel u láak’ ba’alo’ob. Ba’ale ti’al u béeykuntik u meyaj le aj ts’íibo’obo, k’abéet xan ti’ob úuchben kúuchilo’ob, bey xan le arqueologo’obo k’abéet u xokiko’ob pik’il ju’uno’ob.

  • Ichil tuláakal ba’alo’ob ku beetik wíinike, k’ajlaye yan ba’al yil yéetel tsíibo’ob ku beetik máak, tumen tu ka’p’éelal ku beeta’al yéetel tsikbalo’ob, ba’ale k’ajlaye ku ts’aik ojéeltbil ba’alo’ob ucha’an, ti’ ts’íibe ku ts’a’abal ojéeltbil ba’alo’ob yetel wíiniko’ob ku síijil chéen tu tuukul máak, ba’ale ku ts’íibta’al xan chawak tsikbalo’ob yetel éets’taj’ob-k’ajlayo’ob-, ku ts’aiko’ob ojéeltbil u jaatsilo’ob bix taalik u yúuchul kuxtal tu paachil k’iin. K’abéet xan k-ts’aik ojéeltbil ma’ chéen úuchben tsikbalo’ob ku meyaj ti’al u beeta’al junp’éel ts’íibil k’ajlay, je’el xan u páajtal u meyaj yila’al u taal u kuxtal ch’i’ibalo’ob.


1K’ex (modificar).

  Escribenos y dinos tus comentarios Actualizado en enero de 2023

Fac. de Ciencias Antropológicas. Km. 1 Carretera Mérida-Tizimín, Cholul. CP 97305. Tels: +52 (999) 930-0090. Mérida, Yucatán, México.

© Todos los Derechos Reservados Facultad de Ciencias Antropológicas, UADY 2018. Esta página puede ser reproducida con fines no lucrativos, siempre y cuando no se mutile, se cite la fuente completa y su dirección electrónica, de otra forma requiere permiso previo por escrito de la institución.