Bix ken xi’ik le kaanbalo’
Ba’axo’ob ken talak u ka’ansa’al.

Bix ken beeta’ak

Le Sipit¹ kaanbal ti’al Licenciadoil K’ajlayo ku bak’ te’etik² tuláakal le ba’alo’ob yetel bix u taal u yúuchul ka’ansaj UADY:

• Xoknáal ku táakpajal ti’al u ka’ansa’al-kaanbal, le beetik leti’ ken kaxáantik bix úunchak u bin u ma’alob kaanbal.
• Ti’ u taal le kaanbalo’ yan analte’ob puli’ ma’ táan u páajtal u p’a’atal ma’ u xo’okol, yan xan analte’ob je’el u meyajo’ob wa ma’, bey xan analte’ob je’el u páajtal u yéeyik xoknáal, ba’ale leeyli’ ku táakpajalo’ob ti’al ka jach ma’alobak yetel ka je’ek’ajak u tuukul tak tu’ux ku páajtal ti’ láak’ kaanbalo’ob yan ba’al yilo’ob yéetel u kaanbal
• U yantal ti’ u chajtalil ya’alik u jaajil bix yilik ba’ax ku k’áatal tu beel máak táan u bisikuba yéetel u yéet síisajbilo’ob, yetel u meyajtik ba’alo’ob ba’pachmil ti’al u kaxáantik u kuxtal, yetel u táakpajal ti’al ka u ts’aj ojéeltbil ba’ax úunchak u beeta’al tumen miatsil ti’al ka xi’ik ti’ junp’éel ma’alob bej.
• U páajtal u kaanbal xoknáal ti’ u láak’ u kúuchilo’ob ka’ansaj yan ti’ UADY, bey xan ti’ u kúuchilo’ob noj kaanbal wey tu lu’umilo’ob Meexico yetel táanxel lu’umilo’ob, ka u beet u yantal ti’ k’ajóolalo’ob yetel tsiik ti’ u láak’ miatsilo’ob.
• U táakpajal u láak’ ba’alo’ob ti’al u kaanbal, nu’ukulilo’ob u cha’anta’al oochel, t’aan wa ts’íib, bey xan ka táakpajako’ob ti’ u láak’ kúuchilo’ob kaanbal, ti’al u kaxáantiko’ob u táaj ma’alobtal u kaanbalo’ob.
• U taal u yutskíinta’al u tsoolil ba’axo’ob ku taal u ka’ansa’al, ti’al ka xíit’ik u meyaj xoknáalo’ob ichil le ba’alo’ob úunchak yetel k’abét u kanik u beeto’obo’.

¹Sipit (licenciado).
²Bak’ te’ (incorporar).