Hoy es: Sábado, 28 de Enero de 2023






KÚUCHILO’OB TU’UX JE’EL U PÁAJTAL U MEYAJ


Juntúul Séeb Chi’ K’ajlaye je’el u páajtal u beetik le meyajo’oba’:

  • Je’el u ts’aik xook ti’ u xoknáalilo’ob sekundaria, preparatoria yetel ti’ licenciatura.
  • Je’el u beetik talan t’ul meyajo’ob ti’ u kúuchilo’ob u molayil jalach wa kúuchilo’ob yan u yuumilo’ob, ti’al ka’anchaja’an xook.
  • Je’el u páajtal u tsolik tu beelil pik’il ju’uno’ob yetel tuláakal ts’íibo’ob ti’ u kúuchilo’ob u molayil jalach wa ti’ kúuchilo’ob yan u yuumilo’ob.


  • Je’el u páajtal u beetik u nu’ukulilo’ob u ts’a’abal ojéeltbil ba’ax pik’il ju’unilo’ob yetel ts’íibo’ob yan ti’ junp’éel kúuchil.
  • U táakpajal ti’al u je’ebel kúuchilo’ob ti’al u xo’okol pik’il ju’uno’ob yetel ts’íibo’ob, yetel u beetik u tsoolil benuka’aj pik’il ju’uno’ob yetel ts’íibo’ob yano’obi’; bey xan u táakpajal ti’al u ye’esik bix úunchak u je’ebel kúuchilo’ob ti’al u ko’onol pik’il ju’uno’ob.
  • U beet ts’íibo’ob, u yutskíint ts’íibo’ob, u beet u kóon ts’íibil pik’il ju’uno’ob, u yutskíint ts’íibo’ob ku t’aan tu yo’olal miatsil ti’ periodiko’ob.
  • U ye’esik bix úunchak u béeytal, yetel u táakpajal ti’ meyajo’ob ti’al u kanáanta’al u ba’alba k’ajlay.
  • Meyajo’ob yan u yil yéetel u p’íisil u K’áaxil Kuchkabal ti’al u kanáanta’al kúuchilo’ob k’ajlay.
  • Ku táakpajal ti’al u je’ebel yetel u kanáanta’al kúuchilo’ob tu’ux ku cha’anta’al u meyaj úuchben miatsilo’ob.
  • Ku táapajal ti’ meyajo’ob ti’al u je’ebel junp’éel kúuchilo’ob ti’al u k’a’amal táanxel máako’ob. Bey xan ti’al u yéey ba’ax k’ajlay kúuchilo’ob ken u cha’anto’ob le táanxel máako’obo yetel bix ken xi’iko’ob tak te kúuchilo’obo’.


  • Ku táakpajal ti’al u ts’a’abal ojéeltbil meyajo’ob ku beetik molayilo’ob miatsil u ti’al jalach wa yan u yuumilo’ob.
  • Ku meyaj Diplomaticoil. U táakpajal ti’ meyajo’ob yan u yil yéetel miatsil.
  • Ku meyaj ti’al ma’alob bisajbaj ichil táantanxel Noj Lu’umilo’ob. U táakpajal ti’al u ye’esa’al u k’ajlayil jach tu’ux ku máan u jáal u kuchkabalil le Noj Lu’umo’ob táan u ba’ate’ilo’ob tu yo’olal lu’umo’obo’.
  • Ku beetik u aj kaxanil yetel aj ts’íibil tumen ku síijil ti’ u beetik.
  • Ku ka’ansik ba’ax úunchak u beetik máak ku meyaj ti’ junp’éel kúuchil tu’ux k’abéet u ka’jaach’ tukulta’al ba’ax úunchak u beeta’al tu yo’olal k’ajóolalo’ob yetel tuukulo’ob yan ba’al yila’ yéetel k’ajlay.
  Escribenos y dinos tus comentarios Actualizado en enero de 2023

Fac. de Ciencias Antropológicas. Km. 1 Carretera Mérida-Tizimín, Cholul. CP 97305. Tels: +52 (999) 930-0090. Mérida, Yucatán, México.

© Todos los Derechos Reservados Facultad de Ciencias Antropológicas, UADY 2018. Esta página puede ser reproducida con fines no lucrativos, siempre y cuando no se mutile, se cite la fuente completa y su dirección electrónica, de otra forma requiere permiso previo por escrito de la institución.